Bakı-Şamaxı yolunda qəza: “Range Rover”lə “Hyundai” toqquşdu - RƏSMİ - VİDEO

Bakı-Şamaxı-Yevlax yolunun 16.5-ci kilometrliyində yol-nəqliyyat hadisəsi qeydə alınıb.

Baş Dövlət Yol Polis İdarəsinin (BDYPİ) inspektoru polis leytenantı Elvin Hacıyev Avtosfer.az-ın sorğusuna cavab olaraq bildirib ki, qəza sentyabrın 16-ı axşam saatlarında qeydə alınıb: “Belə ki, hərəkətdə olan 99-MM-310 dövlət nömrə nişanlı “Range Rover” markalı avtomobil, 90-CE-929 dövlət nömrə nişanlı “Hyundai” markalı maşınla toqquşub. Qəzaya səbəb ara məsafəsinin düzgün təyin edilməməsi olub. Nəticədə hər iki nəqliyyat vasitəsi yararsız hala düşüb. Hadisə zamanı “Hyundai” markalı avtomobildə olan sərnişin yüngül dərəcəli xəsarət alıb”.

Qeyd edək ki, faktla bağlı araşdırma davam edir.

Nərmin