Bakının mərkəzində yolayrıcına daxil olan sürücülər qəza törətdilər - ANBAAN VİDEO

Paytaxtın mərkəzi küçələrindən birində (“Qış parkı” yaxınlığında) baş vermiş qəza anbaan kameraya düşüb.

Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Belə ki, nizamlanmayan yolayrıcına daxil olan 77-PX-289 dövlət nömrə nişanlı “Hyundai Sonata” markalı maşın, sol tərəfdən gələn “Mercedes” markalı avtomobillə toqquşub. Nəticədə hər iki nəqliyyat vasitəsinə maddi ziyan dəyib.

Qeyd edək ki, qanunvericiliyə görə, eyni əhəmiyyətli yolların kəsişməsində, yəni üstünlük nişanı olmayan yolayrıcılarında sağdan gələn nəqliyyat vasitələri üstünlüyə malikdir.

Nərmin