Bakıya zoğal satmağa gələn qadınlar ağır qəzaya düşdü - VİDEO

Avqustun 28-dən 29-na keçən gecə saat 02:15 radələrində Səbail rayonu ərazisində ağır yol qəzası baş verib. Hadisə şahidlərinin Avtosfer.az-a verdiyi məlumata görə, «Ford» markalı yük maşını Bayıl qəsəbəsi ərazisində – Bayıl bazarının yaxınlığında «Chaqman» markalı yük maşını ilə toqquşub. Salyan yolu şosesində baş vermiş qəza nəticəsində «Ford»da olan 4 qadın ağır vəziyyətdə xəstəxənaya çatdırılıb. Onlardan 3-ü Traxmatologiya Xəstəxanasına, 1-i isə Kliniki Tibbi Mərkəzə aparılıb. Sonuncunun vəziyyətinin ağır olduğu bildirilir.

Avtosfer.az-ın məlumatına görə, «Ford» markalı yük maşınında olan qadınlar satmaq üçün Bakıya zoğal və armud gətirirmiş. Onların gətirdiyi məhsul qəza zamanı yola dağılıb. Maraqlıdır ki, qəzadan sonra «Ford»un sürücüsü yoxa çıxıb. Qəzanın isə «Chaqman»ın qəflətən «Ford»un yoluna çıxması nəticəsində baş verdiyi bildirilir.

Nurlan