Biləcəridə “Azsamand”la “şou” göstərən gənclər qəzaya düşdülər - ANBAAN VİDEO

Yol-hərəkəti qaydalarını kobud şəkildə pozaraq qəza törədən sürücünün videosu maşındakı sərnişin tərəfindən anbaan çəkilib.

Avtosfer.az-ın məlumatına görə, hadisə noyabrın 3-də paytaxtın Binəqədi rayonu Biləcəri qəsəbəsində qeydə alınıb. Görüntüdən də aydın olduğu kimi, “Azsamand” markalı maşını idarə edən sürücü yolda təhlükəli manevrlər edərək “şou” göstərməyə çalışıb. Bu zaman o, anidən idarəetməni itirib və maşını yol kənarına çırpıb. Sürücünün iddiasına əsasən, qəzaya səbəb avtomobilin diskinin qırılması olub.

Hadisə nəticəsində sürücü və sərnişinlər arasında xəsarət alan olmasa da, maşına maddi ziyan dəyib.

Nərmin