Biləsuvarda maşın boruya çırpıldı, sürücü xəsarət aldı

Biləsuvarda yol-nəqliyyat qəzası baş veriib.

Avtosfer.az konkret.az-a istinadən xəbər verir ki, hadisə rayonun İsmətli kəndində qeydə alınıb.

2003-cü il təvəllüdlü Rəfael Famil oğlu Cabbarlının idarə etdiyi “Mercedes-Benz” markalı minik avtomobil idarəetmədən çıxaraq yol kənarındakı dəmir boruya çırpılıb.

Qəza nəticəsində xəsarət alan sürücü Biləsuvar Rayon Mərkəzi Xəstəxanasına çatdırılıb.

Faktla bağlı araşdırma aparılır.