Bir yol qəzasında 36 nəfər öldü

Tanzaniyada iki avtobusun toqquşması nəticəsində 36 nəfər ölüb, onlarla sərnişin xəsarət alıb. Avtosfer.az-ın APA-ya istinadən verdiyi xəbərə görə, qəzanın səbəbləri hələlik məlum deyil. İnsident Butiama şəhəri yaxınlığında baş verib. 

Tanzaniyada avtobus əsas hərəkət vasitəsi olduğundan burada yol-nəqliyyat hadisələri mütəmadi baş verir. Ölkənin nəqliyyat infrastrukturu bərbad vəziyyətdədir. Ötən il yol qəzalarında ölənlərin sayı 1878 nəfər təşkil edib.