Dəhşətli olay: 2 yaşlı qız "Prado"nun altında qaldı

Hadisə ilə bağlı araşdırmalar aparılır 

Daxili İşlər Nazirliyi Şəmkirdə baş vermiş faciəvi olayla bağlı məlumat yayıb. Avtosfer.az-ın nazirliyin mətbuat xidmətinə istinadən verdiyi məlumata görə, avqustun 28-də saat 19 radələrində Şəmkir rayonunun Keçili kəndində kənd sakini Tural Dilənçizadə idarə etdiyi “Toyota” markalı avtomobillə həmkəndlisi, azyaşlı Lilpar Abbasovanı vurub. Uşaq hadisə yerində ölüb. Lent.az-ın məlumatına görə isə rayonun Keçili kəndində 2 yaşlı qız "Toyota Prado" markalı avtomobilin altında qalıb.  Körpənin həyatını xilas etmək mümkün olmayıb.

Faktla bağlı araşdırmalar aparılır.