Dəhşətli yol qəzası: "KİA"da olan 4 gənc hadisə yerində keçindi

Dekabrın 7-də Tatarıstanın Almetyevsk vilayətinin ərazisindən keçən Kazan-Orenburq yolunun 219-cu km-də 4 nəfərin ölümü ilə nəticələnən ağır yol qəzası baş verib.

Avtosfer.az xəbər verir ki, “KİA Rio” markalı avtomobillə “Volkswagen Tiguan” markalı avtomobil toqquşub.

“KİA Rio” markalı avtomobilin sürücüsü qarşıdakı nəqliyyat vasitəsini keçərkən qarşıdakı zolağa çıxıb. Lakin sürücü idarəetməni itirərək “Volkswagen Tiguan”la toqquşub. “KİA”-da olanların hamısı - sürücü və üç sərnişin yerindəcə dünyasını dəyişib.

Almetyevski Rayon İstintaq İdarəsi tərəfindən faktla bağlı araşdırma aparılır.

APA