Əks yola çıxan “Toyota” yük maşını ilə toqquşdu: 5 nəfər hadisə yerində öldü - FOTO

Rusiyanın Krasnoyarsk bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə avqustun 7-də “Sibir” federal trasının 622-ci kilometrliyində qeydə alınıb. Bu barədə Daxili İşlər Nazirliyinin mətbuat xidmətinin regional qrupundan bildirilib.

İlkin məlumata görə, “Toyota” markalı minik avtomobili yolun əks istiqamətinə keçərək qarşıdan gələn “Scania” markalı yük maşını ilə toqquşub.

Zərbənin təsirindən hər iki nəqliyyat vasitəsi yol kənarına düşüb. Minik avtomobili isə deformasiyaya uğrayıb.

Nəticədə “Toyota”nın sürücüsü və onun dörd sərnişini aldıqları ağır xəsarətlərdən hadisə yerində  ölüblər. Yük maşınının sürücüsü isə yaralanıb.

Faktla bağlı cinayət işi açılıb, araşdırma aparılır.

Namiq Musayev