Ələt-Astara yolunda qəza: Sərnişin dolu “Mercedes Vito” dərəyə yuvarlandı - VİDEO

Ələt-Astara yolunun Ələt qəsəbəsi ərazisindən keçən hissəsində yol-nəqliyyat hadisəsi baş verib.

Avtosfer.az-ın məlumatına görə, qəza avqustun 11-də “Azpetrol” yanacaqdoldurma məntəqəsinin yaxınlığında qeydə alınıb. Belə ki, hərəkətdə olan 99-PB-849 dövlət nömrə nişanlı “Mercedes Vito” markalı sərnişin daşıyan avtomobil yoldan çıxaraq dərəyə düşüb. Şahidlərin iddiasına əsasən, qəzaya səbəb yüksək sürət həddi olub. Nəticədə nəqliyyat vasitəsi yararsız vəziyyətə düşüb. Xoşbəxtlikdən hadisə zamanı ciddi xəsarət alan olmayıb. 

Qeyd edək ki, faktla bağlı araşdırma davam edir. 

Nərmin