Əsgər övladlarının andiçmə mərasiminə gedən Saatlı sakinləri qəzaya düşdülər: 5 nəfər xəsarət alıb

Goranboy rayonunda 5 nəfərin xəsarət alması ilə nəticələnən yol-nəqliyyat hadisəsi olub.

Avtosfer.az-ın məlumatına görə, Bakı-Qazax magistral yolunun rayon ərazisindən keçən hissəsində hərəkətdə olan "Mercedes Vito" markalı mikroavtobusun sürücüsü qəzadan yayınamaq istəyərkən, nəqliyyat vasitəsinin sükan idarəetməsini itirərək yol kənarındakı maneəyə çırpılıb.

Qəza nəticəsində 1965-ci il təvəllüdlü S.Mirsəddinova, 2000-ci il təvəllüdlü K.Məmmədova, 1980-ci il təvəllüdlü S.Yaqubova, 2006-cı il təvəllüdlü A.Cəfərov, həmçinin sürücü xəsarət alıb.

Zərərçəkənlər xəstəxanaya çatdırılıb.

Bildirilir ki, qəzaya düşən şəxslər əsgər övladlarının andiçmə mərasiminə gedən Saatlı sakinləri olub.

Faktla bağlı araşdırma aparılır.