Əzrayıl yollarımızda daha 9 can aldı

Bazar günü Azərbaycan yollarında baş vermiş yol qəzalarında 9 nəfər həlak olub. Lent.az-ın məlumatına görə, avqustun son günündə Respublika yollarında ümumilikdə 21 yol-nəqliyyat hadisəsi qeydə alınıb. Nəticədə həlak olan 9 nəfərdən başqa 35 nəfər də müxtəlif dərəcəli bədən xəsarətləri alıb. Avqustun 31-də Bakının Qradağ rayonunda, Korgöz qəsəbəsində minik avtomobilinin yük maşınına çırpılması ər və arvadının ölümünə səbəb olub. Ağdaşda isə toqquşan avtomobillərdən biri yanıb. Nəticədə 2 nəfər həlak olub, daha 3 nəfər isə yaralanıb. Bundan başqa Bakının Sabunçu rayonunda 5 avtomobilin iştirakı ilə zəncirvari qəza olub. Bu hadisədə isə 9 nəfər yaralanıb.