Füzulidə qəza: Əks yola çıxan “Mercedes” yük maşınına çırpıldı - VİDEO

Füzuli rayonu Babı kəndində yol-nəqliyyat hadisəsi qeydə alınıb.

Avtosfer.az-ın məlumatına görə, qəza sentyabrın 22-də saat 13:00 radələrində Hacıqabul-Mincivan yolunda qeydə alınıb. Belə ki, hərəkətdə olan 99-KZ-652 dövlət nömrə nişanlı “Mercedes” markalı avtomobil, 99-TU-967 dövlət nömrə nişanlı “Qazel” markalı yük maşınıyla toqquşub. Qəzaya səbəb “Mercedes” sürücüsünün əks istiqamətli yolla hərəkət etməsi olub. Nəticədə qarşıdan gələn yük maşınına çırpılan avtomobil tamamilə yararsız hala düşüb. Yük maşınına da maddi ziyan dəyib. Xoşbəxtlikdən sürücü və sərnişinlər arasında xəsarət alan olmayıb.

Qeyd edək ki, faktla bağlı Füzuli Rayon Polis Şöbəsində araşdırma aparılır.

Nərmin