Gəncədə baş vermiş zəncirvari qəza anbaan kameraya düşdü - VİDEO

Gəncədə baş vermiş zəncirvari qəza nəzarət kamerasına düşüb.

Avtosfer.az-ın məlumatına görə, hadisə bir müddət əvvəl saat 19:00 radələrində qeydə alınıb. Görüntüdən aydın olduğu kimi üç maşın qəzaya uğrayıb. Şahidlərin iddiasına əsasən, qəzaya səbəb yüksək sürət olub. Nəticədə idarəetməni itirən “BMW” sürücüsü öncə yol kənarında park edilmiş “Mercedes”lə toqquşaraq onu səkiyə atıb. Bu zaman “Mercedes” səkidəki “Opel”ə çırpılıb. Hadisənin maraq doğuran tərəfi “Mercedes” sürücüsünün son anda qəzadan qurtulması olub. Belə ki, sürücü avtomobili tərk etdikdən bir neçə saniyə sonra qəza baş verib. Hadisə zamanı ağır xəsarət alan olmasa da, hər üç nəqliyyat vasitəsinə maddi ziyan dəyib. 

Nərmin