Gəncədə zəncirvari qəza baş verdi - FOTO

Gəncədə yol nəqliyyat hadisəsi baş verib.

Avtosfer.az xəbər verir ki, hadisə Gəncə-Şəmkir avtomobil yolunun 4-cü kilometrliyində qeydə alınıb.

Hərəkətdə olan "KİA", "Chevrolet" və digər avtomobil toqquşub. Zərbənin təsirindən sonra "KİA" minik maşını bardürə çırpılıb.

Qəza zamanı xəsarət alan olmasa da avtomobillərin ikisinə ciddi ziyan dəyib.

Faktla bağlı araşdırma aparılır.

(apa)