Goranboyda avtomobil qəzası olub, 3 nəfər xəsarət alıb

Goranboy rayonunda bir neçə nəfərin xəsarət alması ilə nəticələnən yol-nəqliyyat hadisəsi olub.

Avtosfer.az xəbər verir ki, hadisə Qızılhacılı qəsəbəsində qeydə alınıb. Qəza zamanı xəsarət alan 3 nəfər xəstəxanaya aparılıblar. Hadisənin təfərrüatları və yaralıların şəxsiyyəti dəqiqləşdirilir. Faktla bağlı araşdırmalara başlanılıb.