İki azərbaycanlı «Lada-Priora»da diri-diri yandı

Samarada baş verən yol qəzasında iki azərbaycanlı dünyasını dəyişib. APA TV-nin məlumatına görə, hadisə şəhərin Avropa və Qaqarin küçələrinin kəsişməsində baş verib. Gecə saatlarında Qaqarin küçəsi ilə hərəkət edən “Lada Priora” markalı avtomobil Avropa küçəsi ilə yüksək hərəkətdə olan «Chevrolet Cruze» maşını ilə toqquşub. Toqquşma nəticəsində “Lada Priora” alışıb, maşında olan iki nəfər dünyasını dəyişib. Bir yaralı isə xəstəxanaya çatdırılıb. Ölən şəxslərdən birinin 30 yaşlı Azərbaycan vətəndaşı olduğu bildirilsə də, onun adı açıqlanmır. Yerli bloqqerlər ikinci şəxsin də azərbaycanlı olduğunu yazıblar. Faktla bağlı araşdırma aparılır.