İdarəetmədən çıxan maşın maneəyə çırpılıb əzik-əzik oldu - FOTO

Sumqayıtda yol qəzası baş verib.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Belə ki, hərəkətdə olan 90-OC-090 dövlət nömrə nişanlı “Toyota Avalon” markalı avtomobilin sürücüsü qəzaya uğrayıb. Şahidlərin iddiasına görə, qəzaya səbəb yüksək sürət həddi olub. Nəticədə yoldan çıxan maşın maneəyə çırpılaraq yararsız vəziyyətə düşüb. Xoşbəxtlikdən sürücü ağır xəsarətlər almayıb. 

Faktla bağlı araşdırma davam edir.