İsmayıllıda "BMW" və “06” toqquşdu: ölən və xəsarət alan var - RƏSMİ - FOTO

DİN-in Mətbuat Xidmətinin Şəki regional qrupundan  Avtosfer.az-ın sorğusuna cavab olaraq bildirilib ki, avqustun 20-də saat 14 radələrində İsmayıllı şəhəri ərazisində “VAZ-2106” və “BMW” markalı avtomobillər toqquşub. Hadisə nəticəsində “VAZ”-ın sürücüsü, 1953-cü il təvəllüdlü Rəhimov Məhəmməd Abdul oğlu hadisə yerində ölüb, digər sürücü xəsarət alıb. 

Faktla bağlı cinayət işi başlanılıb.

                                                                      ***

İsmayıllı rayonunda ölümlə nəticələnən ağır yol qəzası olub.

“Report” xəbər verir ki, hadisə İsmayıllı rayon mərkəzinin H.Əliyev prospektində qeydə alınıb.

Məlumata görə, "BMW" və “VAZ 2106” markalı avtomaşınlar toqquşub. Nəticədə “VAZ”ın sürücüsü Rəhimov Məhəmməd Abdul oğlu hadisə yerində ölüb.

"BMW"nin sürücüsü Elməddin Məmmədli isə ağır bədən xəsarətləri alaraq İsmayıllı rayon Mərkəzi xəstəxanasına çatdırılıb.