Kürdəmirdə yüklə dolu “Shagman” aşdı

Kürdəmir rayonunda yük avtomobili yoldan çıxaraq aşıb. Avtosfer.az-ın APA-ya istinadən verdiyi xəbərə görə, hadisə bu gün axşam saatlarında Ağsu-Kürdəmir-İmişli yolunun 42-ci kilometrliyində, Kürdəmir rayonu ərazisində qeydə  alınıb. Kürdəmir rayon Qarabucaq kənd sakini 1960-cı il təvəllüdlü Umudov Əlvan Nadir oğlu “Shagman” markalı avtomobillə hərəkətdə olarkən sürücü idarəetməni itirib və qumla dolu yük maşını yoldan çıxaraq aşıb. Hadisə nəticəsində sürücü müxtəlif dərəcəli bədən xəsarətləri ilə Kürdəmir rayon Mərkəzi Xəstəxanasının travmatologiya şöbəsinə yerləşdirilib. Faktla bağlı araşdırma aparılır.