Kürdəxanıda ağır qəza: “07” tanınmaz hala düşdü, sürücü öldü - VİDEO

Bakının Sabunçu rayonu Kürdəxanı qəsəbəsində ağır yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 16-da 18:00 radələrində qeydə alınıb. Belə ki, hərəkətdə olan “VAZ-2107” markalı maşın, “Hyundai” markalı avtomobillə toqquşub. İddialara əsasən, qəzaya səbəb yüksək sürət həddi olub. Zərbənin təsirindən “VAZ” tamamilə sıradan çıxıb, digər avtomobilə maddi ziyan dəyib. Hadisə zamanı sürücülərdən biri dünyasını dəyişib.

Qeyd edək ki, faktla bağlı araşdırma aparılır.

Nərmin