Lissabonda funikulyor qəzası: 16 ölü, 22 yaralı

Portuqaliyada baş verən funikulyor qəzası ilə bağlı ilkin hesabatda bildirilir ki, kabeldə yaranan problem Lissabonda turistlər arasında məşhur olan funikulyorun sürətlə yamacdan aşağı enməsinə və nəticədə binaya çırpılmasına səbəb olub.

Avtosfer.az xəbər verir ki, bu barədə Reuters məlumat yayıb.

Məlumata görə, qəza zamanı azı 16 nəfər həlak olub, 22 nəfər isə yaralanıb.

Sarı rəngli tramvayabənzər vaqon paytaxtın dik yamacında insanları daşıyırmış. Çərşənbə günü baş verən hadisədə vaqon relsdən çıxaraq binaya çırpılıb – bu, dik yamacın aşağısındakı dayanan vaqonlardan cəmi bir neçə metr məsafədə olub.

Portuqaliyanın Hava və Dəmir Yolu Qəzalarının Araşdırılması İdarəsi qəzaya dair ilkin araşdırma hesabatını açıqlayıb.

Hesabatda deyilir ki, vaqonlar təxminən altı metrdən çox getmədən onları birləşdirən kabelin təmin etdiyi tarazlıq qüvvəsi qəfildən itib.

Buna görə, vaqon aşağıya doğru hərəkətini davam etdirib və sürətini artırıb.