Masallıda 11 yaşlı qızı avtomobil vurdu

Masallıda azyaşlı piyadanın müxtəlif dərəcəli bədən xəsarətləri alması ilə nəticələnən ağır yol-nəqliyyat qəzası baş verib. Hadisə sentyabrın 1-də günorta saatlarında Masallı-Yardımlı şose yolunun rayonun Qəriblər kəndindən keçən hissəsində qeydə alınıb. Masallı şəhər sakini, 1991-ci il təvəllüdlü Natiq Ədalət oğlu Ağayevin idarə etdiyi “Hyundai” markalı, minik avtomobili yolu keçmək istəyən piyada,  Cəlilabad rayonunun Böyük Bəcrivan kənd sakini, 2003-cü il təvəllüdlü Aytən Nadir qızı Nəbiyevanı vurub. Müxtəlif dərəcəli bədən xəsarətləri alan A.Nəbiyeva dərhal Masallı Mərkəzi Rayon Xəstəxanasına yerləşdirilib. Burada ona müvafiq tibbi yardım göstərilib, amma vəziyyəti ağır olaraq qalır.

Faktla bağlı Masallı Rayon Polis Şöbəsində araşdırma aparılır.