«Mercedes» aşdı; bir ailədən iki qadın öldü

Bu gün axşam saat 22:00 radələrində Azərbaycanda ağır yol hadisəsi qeydə alınıb. Hadisə Bakı-Quba magistralının 51-ci kilometrliyində baş verib. 22 yaşlı Emin Abdullayevin idarə etdiyi "Mercedes" markalı avtomaşın yolda aşıb. Qəza nəticəsində onun anası, 42 yaşlı Sevinc Abdullayeva və qardaşının həyat yoldaşı, 21 yaşlı Nişanə Abdullayeva həlak olub. Sürücünün özü və qardaşı, 23 yaşlı Hümbət Abdullayev isə yaralanıb. Faktla bağlı cinayət işi açılıb, araşdırma aparılır.