Növbəsini gözləməyən “07” sürücüsü “KIA”nı vurub əks yola atdı - ANBAAN VİDEO

Paytaxtın Xəzər rayonu Binə qəsəbəsində qayda pozan sürücü qəzaya səbəb olub.

Avtosfer.az-ın məlumatına görə, hadisə iyulun 28-də 18:19 radələrində Əli İsazadə küçəsində qeydə alınıb. Hərəkətdə olan iki avtomobil yolayrıcında toqquşub. Belə ki, “VAZ-2107” markalı maşının sürücüsü baş yolda olan “KIA Rio” markalı avtomobilə yol verməyib. Nəticədə vurulan “KIA” ayrıcı maneənin üzərinə çıxıb və əks istiqamətli yola keçib. Xoşbəxtlikdən qəza zamanı xəsarət alan olmayıb. 

Qeyd edək ki, “KIA” sürücüsü qəzanı törədən şəxsin avtomobilinə dəyən maddi ziyanı qarşılamadığını bildirilib. 

Nərmin