Oğuzda “07” inəyi vurub öldürdü, ata və qızı xəsarət aldı - FOTO

Oğuz rayonunda yol qəzası baş verib. "Report"un məlumatına görə, hadisə bu gün axşam saatlarında İsmayıllı-Qaraməryəm-Şəki avtomobil yolunun rayonun Sincan kəndi ərazisindən keçən hissəsində qeydə alınıb.

Belə ki, "VAZ-2107" markalı avtomobil hərəkətdə olarkən qarşısına çıxan inəyi vurub. Nəticədə Oğuz rayonunun Kərimli kənd sakinləri - sürücü, 1964-cü il təvəllüdlü Rəhman Əlövsət oğlu Əzizov və onun qızı, 1995-ci il təvəllüdlü Rəvanə Əzizova müxtəlif dərəcəli bədən xəsarətləri ilə Oğuz Rayon Mərkəzi Xəstəxanasına yerləşdiriliblər. Zərbənin gücündən inək tələf olub.

Faktla bağlı araşdırma aparılır.