Ölən moped sürücüsünün yeni görüntüləri yayıldı - VİDEO

Bakıda qəza zamanı ölən moped sürücüsünün yeni görüntüləri yayılıb.

Avtosfer.az-ın əldə etdiyi görüntülərdən də aydın olur ki, sürücü N.Mirzəyev bundan əvvəl də dəfələrlə paytaxt ərazisində moped idarə edən zaman təhlükəli manevrlər edərək yol hərəkəti qaydalarını kobud sürətdə pozaraq digər nəqliyyat vasitələri üçün ciddi təhlükə yaradıb.

Qeyd edək ki, avqustun 1-də saat 04:30 radələrində paytaxtın Xətai rayonunda mopedlə "Hyundai" markalı avtomobilin toqquşması nəticəsində ölüm hadisəsi baş verib.

DİN-in Mətbuat Xidmətindən Avtosfer.az-ın sorğusuna cavab olaraq bildirilib ki, ərazidə xidmət aparan polis əməkdaşları tərəfindən moped oğurluqlarına qarşı keçirilən tədbirlər çərçivəsində dövlət qeydiyyat nişanı olmayan, təhlükəli manevrlər edən mopedə “saxla” işarəsi verilib. “Saxla” işarəsinə məhəl qoymayan moped sürücüsü hərəkətini davam etdirərək "Hyundai" markalı avtomobilə çırpılıb.

Hadisə nəticəsində mopedin sürücüsü paytaxt sakini N.Mirzəyev hadisə yerində ölüb.

Faktla bağlı araşdırma aparılır.