“Peugeot” ilə toqquşan “Tofaş” bu vəziyyətə düşdü: 1 ölü, 9 yaralı - FOTOLAR

Türkiyənin Gümüşhane bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə avqustuna 7-də Torul rayonunda qeydə alınıb.

Məlumata görə, Bayram Ayvaz (50) idarə etdiyi 28-TA-404 dövlət qeydiyyat nişanlı “Tofaş” markalı minik avtomobili, eyni istiqamətdə hərəkətdə olan Fərhad Bulut (43) idarə etdiyi 81–ADV-236 dövlət qeydiyyat nişanlı “Peugeot” markalı minik avtomobili ilə yol qovşağında toqquşub.

Zərbənin təsirindən “Tofaş” sürücünün idarəetməsindən çıxaraq yol kənarındakı istiqamətverici lövhəyə çırpılaraq deformasiyaya uğrayıb, “Peugeot”un isə sol ön hisəsi əzilib.

Nəticədə 3 uşaq olmaqla 10 nəfər xəsarət alıb.   

Yaralılar, hadisə yerinə cəlb edilən ambulanslarla Torul Dövlət Xəstəxanası ilə Gümüşhane Dövlət Xəstəxanasına aparılıblar.

Qəzada deformasiyaya uğrayan “Tofaş”da sərnişin qismində və ağır yaralı olan Əhməd Ayvaz, həkimlərin bütün səylərinə baxmayaraq dünyasını dəyişib.

Hüquq-mühafizə orqanları tərəfindən cinayət işi açılıb, araşdırma aparılır.

Namiq Musayev