“Prius” “Gelandewagen”ə çırpılıb yararsız vəziyyətə düşdü - VİDEO

Gəncə şəhərində yol-nəqliyyat hadisəsi baş verib.

Avtosfer.az-ın məlumatına görə, qəza sentyabrın 25-də saat 13:00 radələrində Nizami Gəncəvi küçəsində qeydə alınıb. Belə ki, taksi fəaliyyətiylə məşğul olan “Toyota Prius” markalı maşın, öndə olan 77-LD-717 dövlət nömrə nişanlı “Mercedes G400” markalı avtomobillə toqquşub. Qəzaya səbəb “Prius” sürücüsünün ani diqqətsizlik etməsi olub. Nəticədə “Mercedes”in təkərinə çırpılan maşın yararsız vəziyyətə düşüb. Xoşbəxtlikdən sürücülər arasında xəsarət alan olmayıb.

Qeyd edək ki, faktla bağlı Gəncə Rayon Polis Şöbəsində araşdırma aparılır.

Nərmin