Qadın sürücülər ağır qəza törətdilər: 3 ölü, 3 yaralı - FOTO

Rusiyanın Vladimir əyalətində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə avqustun 15-də Aleksandrovski rayonunun Maşkovo kəndi yaxınlığında baş verib. Bu barədə əyalət prokurorluğu məlumat yayıb.

İlkin məlumata görə, “Honda Jazz” markalı minik avtomobilinin sürücüsü yolun əks istiqamətinə çıxaraq qarşıdan gələn “Lada Granta” markalı minik avtomobili ilə toqquşub.

Nəticədə hər iki avtomobilin qadın sürücüləri, eləcə də “Granta”da olan sərnişin dünyasını dəyişib. “Lada”nın daha üç sərnişini isə xəsarət alıb və yaxınlıqdakı xəstəxanaya yerləşdirilib.

Hazırda hadisənin təfərrüatları müəyyənləşdirilir.

Namiq Musayev