Qazaxda qohum sürücülərin idarə etdiyi avtomobillər toqquşub, xəsarət alanlar var

Qazax rayonunda xəsarətlə nəticələnən yol qəzası baş verib.

"Report"un məlumatına görə, hadisə Ürkməzli kəndində qeydə alınıb.

İki minik avtomobilinin toqquşması nəticəsində sürücülər - Ürkməzli kəndin sakini, 1967-ci il təvəllüdlü Bahadur Dursun oğlu Əhmədov və həmin kəndin digər sakini, 1995-ci il təvəllüdlü İlham Hüseyn oğlu Əhmədov müxtəlif xəsarətlər alıblar.

Yaralılar xəstəxanaya aparılıb. İ.Əhmədovun xəsarəti daha ağır olduğundan Gəncə şəhərində yerləşən xəstəxanaların birinə göndərilib.

Qeyd edək ki, toqquşan avtomobillərin sürücüləri bir-birilərinə qohumdurlar.

Faktla bağlı araşdırmalara başlanılıb.