QHT sədri avtomobil qəzası keçirdi — FOTOLAR

“İnkişafa və İslahatlara Dəstək” İctimai Birliyinin sədri Ramil Əliyev avtomobil qəzası keçirib. Hadisə ilə bağlı R.Əliyev sosial mediada paylaşım edərək, yaşananların qanun çərçivəsində həll edildiyini və müvafiq qurumların operativ işindən razılıq ifadə edib.

Avtosfer.az xəbər verir ki, QHT sədri bildirdi ki, qəza baş verdiyi anda dərhal 102 polis xidməti və Paşa Sığorta ilə əlaqə saxlayıb. Hər iki qurum hadisəyə dərhal reaksiya verərək, yüksək xidmət səviyyəsi ilə dəstək göstəriblər. O, əlavə edib ki, qəzanın səbəbkarı qarşı tərəf olsa da, vəziyyəti soyuqqanlı şəkildə qarşılayıb. “Avtomobil idarə edərkən bəzən qəza qaçınılmaz olur. Əsas odur ki, canımız sağ olsun!” – deyə Əliyev vurğulayıb.Bu açıqlama vətəndaşların yol hərəkəti qaydalarına ciddi əməl etməsinin və qəza anında sığorta və hüquq-mühafizə orqanlarının peşəkar fəaliyyətinin vacibliyini bir daha gündəmə gətirib.

Mənbə: QHT.az