Qubada ağır yol qəzası - Ölən və xəsarət alan var - FOTO - YENİLƏNİB

Qubada ölümlə nəticələnən yol-nəqliyyat hadisəsi baş verib.

DİN Mətbuat Xidmətinin Quba regional qrupundan  Avtosfer.az-a verilən məlumata görə,  sentyabrın  23-də axşam saatlarında Quba şəhəri ərazisində  "Mersedes" və “Opel” markalı minik avtomobilləri toqquşub. Qəza nəticəsində 1 nəfər ölüb,  1 nəfər isə müxtəlif dərəcəli bədən xəsarətləri ilə Quba  Rayon Mərkəzi Xəstəxanasına yerləşdirilib.

Faktla bağlı araşdırma aparılır.

Avtosfer.az-ın əldə etdiyi məlumata görə, hadisə nəticəsində "Mercedes" markalı avtomobilin sürücüsü 1996-cı il təvəllüdlü Kənan Cabbarov ağır xəsarət alıb. "Opel" markalı avtomobilin sürücüsü 1982-ci il təvəllüdlü Quba rayon 2-ci Nügədi kənd sakini Elşad Qayıbov isə ölüb.