Qubada toqquşan maşınlar yararsız hala düşdü - FOTO

Qubada yol-nəqliyyat hadisəsi qeydə alınıb.

Avtosfer.az-ın məlumatına görə, qəza sentyabrın 20-də səhər saatlarında baş verib. Belə ki, hərəkətdə olan 10-UE-872 dövlət nömrə nişanlı “Lada Priora” markalı avtomobil, 40-BE-706 dövlət nömrə nişanlı “Vaz-2106” markalı maşınla toqquşub. Şahidlərin iddiasına əsasən, qəzaya səbəb yüksək sürət həddi olub. Qəza zamanı xəsarət alan olmasa da, hər iki nəqliyyat vasitəsinə maddi ziyan dəyib.

Qeyd edək ki, hadisə yerinə polis əməkdaşları cəlb olunub. Faktla bağlı araşdırma aparılır.

Nərmin