Ramanada döngəyə sürətlə girən sürücü maşını hasara çırpıb aşırdı - ANBAAN VİDEO

Paytaxtın Sabunçu rayonu, Ramana qəsəbəsində baş vermiş yol qəzası anbaan kameraya düşüb.

Avtosfer.az-ın məlumatına görə, hadisə bir neçə gün öncə səhər saatlarında qeydə alınıb. Belə ki, hərəkətdə olan “Renault Megane” markalı maşın idarəetmədən çıxaraq yol kənarına düşüb. Qəzaya səbəb yüksək sürət həddi olub. Nəticədə döngəyə sürətlə daxil olan sürücü maşını yaşayış evinin hasarına çırparaq avtomobili aşırıb. Hadisə zamanı sürücü yüngül xəsarətlər alsa da, nəqliyyat vasitəsi yararsız hala düşüb. 

Qeyd edək ki, faktla bağlı araşdırma davam edir. 

Nərmin