Rusiyanın M-11 "Neva" ödənişli şossesində ağır yol qəzası baş verib.

APA TASS-a istinadən xəbər verir ki, yolun 582-ci kilometrliyində iki yük maşını toqquşub. Hadisə nəticəsində Sankt-Peterburqdan Moskvaya gedən yol uzun müddət bağlı qalıb.

İlkin məlumatlara görə, qəza zamanı bir nəfər ölüb, bir nəfər yaralanıb.

Qəzanın səbəbləri araşdırılır.

A-120 və M-10 magistral yolunda da avtomobillərin hərəkətində ləngimələr olub.