Rusiyada qəzaya uğrayan təyyarədə neçə nəfərin olduğu açıqlanıb

Rusiyanın İrkutsk şəhərində ötən gün qəzaya uğrayan An-12 təyyarəsində neçə nəfərin olduğu məlum olub.

Ölkə.Az “Sputnik”ə istinadla xəbər verir ki, təyyarənin göyərtəsində 7 heyət üzvü və digər 2 nəfər olub.

Şərqi Sibir Nəqliyyat Prokurorluğundan verilən açıqlamada  təyyarəyə məxsus 2 qara qutunun da tapıldığı bildirilib. Açıqlamada ümumilikdə 6 nəfərin cəsədinin və 4 bədən hissəsinin tapıldığı deyilib.

Qeyd edək ki, ötən gün Belarusun “Qrodno” aviaşirkətinə məxsus təyyarə İrkutsk səmalarında olarkən qəzaya uğramışdı. Qəzaya uğrayan təyyarədə Rusiya, Belarus və Ukrayna vətəndaşları olub.