Sabiq polis mayoru yol qəzasında ölüb

Azərbaycanda sabiq polis ağır yol qəzası törədib. Avtosfer.az-ın Daxili İşlər Nazirliyinin saytına istinadən verdiyi məlumata görə, hadisə avqustun 20-də saat 07 radələrində Ağdaş rayonunun Abad kəndində qeydə alınıb. Bakı şəhər sakini Müşfiq Cəfərov idarə etdiyi “Hyundai” markalı avtomobili kanala aşırıb və o aldığı xəsarətdən hadisə yerində dünyasını dəyişib. APA-nın əldə etdiyi məlumata görə, qəzada dünyasını dəyişən M.Cəfərov sabiq polis mayorudur. O, fizika-riyaziyyat elmləri doktoru, professor İsgəndər Cəfərovun oğludur.