“Shacman” 30 nömrəli avtobusu və üç maşını əzdi

Nəcəfqulu Rəfiyev küçəsində zəncirvarı yol qəzası baş verib. APA TV-nin məlumatına görə, AMAY ticarət mərkəzi istiqamətində “Shacman” markalı, 90 BU 828 dövlət nömrə nişanlı yük maşını 30 nömrəli marşrutda işləyən 10-TG-336 nömrə nişanlı avtobusa arxadan çırpılıb. Zərbənin təsirindən avtobus yolda hərəkətdə olan “Hyundai Sonata”, “Mercedes” və “Mitcubishi” markalı üç maşını əzib. Qəza nəticəsində avtobusun sürücüsü ağır yaralanıb. Yaralı xəstəxanaya çatdırılıb. Qəzadan sonra yolda böyük tıxac yaranıb. Qəza zamanı əzilmiş maşınlar evakuatorların köməyi ilə yoldan çıxarılıb. Faktla bağlı araşdırma aparılır.