Sükan arxasında ürəyi tutan sürücü “VAZ”ı vurub obyektin önünə atdı - ANBAAN VİDEO

Paytaxtın Suraxanı rayonu, Günəşli qəsəbəsində baş vermiş qəza anbaan kameraya düşüb.

Avtosfer.az xəbər verir ki, hadisə bir müddət əvvəl saat 14:00 radələrində Nəsrəddin Tusi küçəsində qeydə alınıb. Hərəkətdə olan 10-UB-055 dövlət nömrə nişanlı “Toyota Land Cruiser” markalı avtomobil, “Lada Granta” markalı maşınla toqquşub.

Şahidlərin sözlərinə görə, qəzaya səbəb “Toyota” sürücüsünün vəziyyətinin anidən pisləşməsi olub. Belə ki, ürəyi tutan sürücü idarəetməni itirərək dayanmış “VAZ”ı səkiyə çıxarıb. Hadisə zamanı xəsarət alan olmasa da, hər iki nəqliyyat vasitəsinə maddi ziyan dəyib.

Nərmin