Toy karvanında “sağ-sol” edən sürücü maşını otluğa saldı - DİN-dən AÇIQLAMA - ANBAAN VİDEO

Şəmkirdə toy karvanında qaydaları kobud şəkildə pozan sürücünün törətdiyi qəza anbaan kameraya düşüb.

Avtosfer.az-ın məlumatına görə, sürücü görüntüləri sosial şəbəkə hesabında paylaşıb. Hərəkətdə olan “Mistsubishi Outlander” markalı avtomobilin sürücüsü yolda təhlükəli manevrlər edib. Belə ki, “şou” göstərən sürücü anidən idarəetməni itirərək maşını yaşıllıq sahəyə salıb. Şahidlərin iddiasına görə, qəzaya səbəb maşının sol təkərinin qırılması olub. Hadisə zamanı sürücü və sərnişinlər arasında xəsarət alan olmasa da, nəqliyyat vasitəsinə maddi ziyan dəyib.

DİN-in Mətbuat Xidmətinin Gəncə regional qrupunun baş inspektoru, polis mayoru Eşqin Qasımov:
Şəmkir Rayon Polis Şöbəsinə bu barədə məlumat daxil olmayıb. Hazırda qəzanın hansı rayonda baş verməsi araşdırılır

Nərmin