Türkiyədə turist avtobusu qəzaya uğrayıb, onlarla xəsarət alan var

Türkiyənin Antalya şəhərində rumıniyalı turistləri daşıyan mikroavtobus aşıb.

Avtosfer.az "Haber Global"a istinadən xəbər verir ki, hadisə Antalyanın Korkuteli rayonunda Esentepe qovşağında qeydə alınıb. Qəza nəticəsində biri ağır olmaqla 22 nəfər xəsarət alıb. Dənizlidən Antalyaya gedən mikroavtobusun yolun yağışlı və sürüşkən olması səbəbindən idarəetmədən çıxdığı deyilir.