Xırdalanda 81 yaşlı qocanı avtomobil vuraraq öldürüb

Abşeron rayonunda ölümlə nəticələnən yol-nəqliyyat hadisəsi baş verib.

“Report”un məlumatına görə, hadisə Xırdalan şəhərində qeydə alınıb.

Avtomobil yolu keçən 1940-cı il təvəllüdlü İmalıyev Məmmədəli Rüstəm oğlunu vurub.

Ağır bədən xəsarətləri alan yaralı təcili tibbi yardımın köməkliyi ilə xəstəxanaya çatdırılıb. Həkimlərin səyinə baxmayaraq onun həyatını xilas etmək mümkün olmayıb.

Faktla bağlı araşdırma aparılır.