Yasamalda yol qəzası baş verib - VİDEO

Paytaxtın Yasamal rayonu, Şıxəli Qurbanov küçəsində yol-nəqliyyat hadisəsi qeydə alınıb. ANS-in məlumatına görə, “Hyundai” markalı yük avtomobili sürücüsünün qəfil əyləc sistemindən istifadə etməsi arxadan hərəkət edən “Fiat” markalı maşına baha başa gəlib. “Fiat”ın sürücüsü Elxan Rüstəmov idarəetməni itirərək avtomobilini yük maşınının arxa hisəsinə çırpıb. Qəza nəticəsində xəsarət alan olmasa da yolda avtomobillərin hərəkətində sıxlıq yaranıb. Baş verən hadisədən dərhal sonra əraziyə yol polis əməkdaşları cəlb olunub. Yolda avtomobillərin hərəkəti tənzimlənib. Hadisənin dəqiq hansı səbəbdən baş verdiyi sürücülərdən alınan izahatlardan sonra məlum olacaq. Faktla bağlı araşdırmalara başlanılıb.