Yevlaxda yol qəzasında iki qardaş yaralanıb

Bakı-Qazax avtomobil yolunda iki yük avtomobilinin iştirakı ilə yol-nəqliyyat hadisəsi olub.

“Report”un məlumatına görə, hadisə magistral yolun Yevlax rayon ərazisindən keçən hissəsində qeydə alınıb.

“Ford” markalı kiçik tutumlu yük maşını “TIR” markalı yük avtomobilinə çırpılıb. Qəza nəticəsində “Ford”un sürücüsü, Qəbələ rayon sakini 1994-cü il təvəllüdlü Vüsal Əlilli ağır, onun qardaşı isə yüngül xəsarət alıb.

Hər iki şəxs xəstəxanaya aparılıb.