Yol kənarına aşan “07” sürücülərə təhlükə yaratdı - Dava düşdü - VİDEO

Ucarda yol nəqliyyat hadisəsi qeydə alınıb.

Avtosfer.az xəbər verir ki, qəzalı maşın digər hərəkət iştirakçılarına qəza riski yaradıb. Xoşbəxtlikdən hadisə zamanı xəsarət alan olmayıb. Qəzadan sonra hadisəni törədən şəxslə digər sürücülər arasında mübahisə yaranıb.

DİN-in Mətbuat Xidmətinin Şirvan regional qrupundan Avtosfer.az-ın sorğusuna cavab olaraq bildirilib ki, qeyd edilən hadisə oktyabrın 19-da günorta saatlarında Ucar şəhərinin “20 Yanvar” küçəsində qeydə alınıb. Belə ki, hərəkətdə olan “VAZ-2107” markalı maşın idarəetmədən çıxaraq aşıb. Rayon sakini A.Cəfərov idarə etdiyi “VAZ-2107” markalı nəqliyyat vasitəsilə hərəkətdə olan zaman idarə etməni itirib və nəticədə avtomobil aşıb. Araşdırmalar aparılır.

Nərmin