Yol qəzaları: 1 ölü, 5 yaralı

İyunun 28-də Bakıda baş vermiş avtomobil qəzalarında 1 nəfər ölüb, daha 5 nəfər isə müxtəlif dərəcəli bədən xəsarətləri alıb. Bakı şəhər Dövlət Yol Polisi İdarəsindən Lent.az-a verilən məlumata görə, gün ərzində ümumilikdə 4 yol-nəqliyyat hadisəsi baş verib. Ən ağır hadisə Qaradağ rayonunun Sahil qəsəbəsində baş verib ki, burada 3 avtomobilin toqquşması nəticəsində 1 nəfər ölüb və daha iki nəfər xəsarət alıb. Hər bir faktla bağlı araşdırma aparılır.