Yol terroru Hacıqabul və Şəmkirdə 2 can aldı

Hacıqabul rayonu ərazisində “Ford Tranzit” markalı avtomobillə Bakı şəhər sakini vurulub. Avtosfer.az-ın Daxili İşlər Nazirliyinə istinadən verdiyi məlumata görə, hadisə avqustun 18-də saat 21 radələrində baş verib. Hacıqabul rayonunun Padar kəndində Ağstafa rayon sakini Əkbər Dünyamalıyev idarə etdiyi “Ford Tranzit” markalı avtomobillə yolu keçən Bakı şəhər sakini Əli Həsənovu vurub. Piyada hadisə yerində ölüb.

Şəmkir şəhərində isə 1 nəfərin ölümü, 5 nəfərin xəsarət alması ilə nəticələnən ağır yol hadisəsi baş verib. Avqustun 18-də saat 22 radələrində Şəmkir şəhərinin ərazisində Orxan Aslanovun idarə etdiyi “Hyundai” və Saleh Hüseynovun idarə etdiyi “VAZ-2107” markalı avtomobillər toqquşub. S.Hüseynov, O.Aslanov və sərnişinləri Zibeydə Aslanova, Tahir Aslanov, Nərgiz Aslanova xəstəxanaya yerləşdiriliblər. S.Hüseynovun həyatını xilas etmək mümkün olmayıb. Yaralı xəstəxanada keçinib. Hüquq-mühafizə orqnları hadisə ilə bağlı araşdırma aparır.

Nurlan