Yoldan çıxan maşın “KIA”ya çırpılıb restoranın qarşısında aşdı - VİDEO

Gəncə şəhəri Gülüstan qəsəbəsində yol-nəqliyyat hadisəsi baş verib.

Avtosfer.az-ın əldə etdiyi məlumata görə, qəza oktyabrın 28-də axşam saatlarında qeydə alınıb. Belə ki, hərəkətdə olan 90-ZH-960 dövlət nömrə nişanlı “Mercedes” markalı avtomobil, 99-UO-274 dövlət nömrə nişanlı “KIA” markalı maşınla toqquşub. Qəzaya səbəb “Mercedes” sürücüsünün avtomobili yüksək sürətlə idarəetməsi olub. Nəticədə idarəetmədən çıxan maşın yol kənarında dayanmış “KIA”ya çırpılıb və zərbənin təsirindən aşıb. Xoşbəxtlikdən hadisə zamanı xəsarət alan olmayıb. 

Qeyd edək ki, faktla bağlı araşdırma aparılır. 

Nərmin