Yollarda qırğın davam edir: 7 ölü, 28 yaralı

Son sutka ərzində respublikanın avtomobil yollarında 14 yol-nəqliyyat hadisəsi baş verib. Daxili İşlər Nazirliyindən Lent.az-a verilən məlumata görə, nəticədə 7 nəfər ölüb, 28 nəfər yaralanıb. Ən ağır yol qəzası Tovuzda baş verib. Bakı-Qazax magistralının bu rayondan keçən hissəsində "Mercedes" markalı minik avtomobilinin yük maşınına çırpılması 2 qardaşın həyatına son qoyub. Hər bir faktla bağlı araşdırmalar aparılır.